Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
Thread Contributor: Amanush' Dil Thakaa Houa Hai...! '
#1
Waqt hai kam aur yaha dil thakaa houa hai
Ba-deedar-e-yaar zaar dam aTkaa houa hai

Dastak-e-naseem-e-sahar ki aas hai bekaar
Barfaani samaan wahan par rukaa houa hai

Baad-e-gham se khauf hai shajar-e-jigar ko
Sabz pat.te hein lekin jaD sukhaa houa hai

Unke shab-ba-khayr sune bin hum na soye
Subhah aaina kahe shakl murjhaa houa hai

Sabab-e-zulmat se hairaan houa ek patanga
Bazm-e-dil ka sham’a kyu bujhaa houa hai

Bhuulna hai muhaal bulaana Mushkil unko
Girdaab main safeena-e-dil uljhaa houa hai


Ba-deedar-e-yaar : For a glimpse of my love
Zaar dam : Weak breath
Dastak-e-naseem-e-sahar : Knocking ( at door ) of cool morning breeze
Barfaani samaan : Winter season
Baad-e-gham : Wind of sorrow
Shajar-e-jigar : Tree of heart
Sabab-e-zulmat : Reason of darkness
Muhaal : Impossible


Smile
Jeene ke liye mujhe ek sapnaa dedo
Haqeekat meri jaaN liye jaa rahi hai

[Image: sigpic4463_5.gif]
[-] The following 1 user says Thank You to Amanush for this post:
  • zaara
Reply
#2
waaaaaaah waaaaaah

kya shandaar ghazal post ki hai aapne danny ji

lajawaab ashaar hain, ek se badhker ek

dheron daad qubool kijiye..yuhi mehfil sajaate rahiye

khush rahiye..Smile
~~~~~~~~~~~~~~~~~

Aap Ki Dost

Zaara


Smile


Reply
#3
Dany jee Aadab...!

Waah janab waah bahut khoob... Bade hi khoobsurat lafzoN pyaare ahsaas piroye haiN aapne ...
Is khoob kalaam par meri dheroN dili daad Kabul kijiye ...

Likhte rahiye... Apni kalaamoN se rubaru karate rahiye ...
Shaad O aabaad rahiye ...

Khuda hafez ...
Islaam is a last upgraded version of religion ....
Reply


Forum Jump:


Users browsing this thread: 1 Guest(s)