Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
Ghazal
#1
Hum toh aaye uss shehar mai jo be-gaana hai;
Na koi majnu idhar aur na hi koi deewaana hai;

Zara  mohtaat  rehna kahi tu ulajh na jaana ab;
Ehel-e-shehar hai naye par masail puraana hai;

Koi maange daulat- o -shauhrat aur koi roti bhi;
Ye aalam- e -shehar toh ab ajab- o -yagana hai;

Karta nahi jo izzat-e-fikar-o-khayaal aye khuda;
Laazmi hai ke uska manzil baada-khaana hai;

Hue hum mutasir kashish- e -nigaah-e-yaar se;
Voh kaif- e -kashish toh adaa- e -kafiraana hai;

Sheher-e-malaamat mai jeena muhaal hogaya;
Yaha ke sharifo ka ajab andaaz-e-sharifana hai;

Jo nahi muflisaan-e-khaas-o-aam mai shumaar;
Ye be-adabi sulook toh tadeeb- e -zamaana hai;

Teer-e-be-panaah jo paar hui mere dil se sanam;
Ye zakham-e-dil toh alaamat- e-aashiqaana hai;

Sochta hu ke laut jaau wapis apney shehar mai;
Waha ehel-e-dostaana aur ehel-e-farzaana hai;

Ye saleeqa-e-arz-e-hunar bhi khaas hai mujahid;
Log kehtey mera andaaz kuch shayaraana hai;
[-] The following 1 user says Thank You to Mujahid Ali for this post:
  • zaara
Reply
#2
KHUSH AAMDEED MUJAHID SAHAB

Bohat hi shaandaar aagaaz hai..

Waaaaaaaah kya umda classical ghazal hai ...Masha Allah

bohut hi khoobsurat..bahut hi umda, lajawaab kalaam

SHAANDAAR ASH'AAR.....TAGHAZZUL SE LABREZ KALAAM.....

Bahut saadgi aur aala fikr bahut behtreen ghazal 

dili daad pesh hai.

salamat rahein
~~~~~~~~~~~~~~~~~

Aap Ki Dost

Zaara


Smile


Reply
#3
wah wah !

kya kehny , bahut bahut khoob .
her aik sher lajawaab hai

zor e qalam aur zyada

Mujeeb
Reply
#4
Shkriya aap sabhi ka iss khaaksaar ko qaabil-e-tehseen samajhne ka
Reply


Forum Jump:


Users browsing this thread: 1 Guest(s)