Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
Thread Contributor: zaaraYe kwahishoN ka safar hai
#1
Ye kwahishoN ka safar hai , safar ye mushkil hai
Qadam na rokiye apne, ke door manzil hai

Udher wo ishq se ghafil haiN, be murawwat haiN
Idher ye dil hai ke aashiq hai, unpe maayil hai

Tamaam umr kinaroN ke aas me guzri
Har ek mauj ki qismat me, kab ye saahil hai

Bata rahi hai ye dastak, ke khaas mehmaaN hai
Ye kauN aaya hai, bechain kyuN mera dil hai

Ke subh o sham tera naam hi zubaaN per hai
Bada hi lutf teri bandegi me haasil hai

Sikhaye thay jise andaaz humne jalne ke
Chiraagh aaj bhi aandhi se, wo muqabil hai

Khushi ka kya hai, ye mehmaaN hai pal do pal ki bas
Ye gham hi hai , jo hamesha se jaan e mehfil hai

Ada e khaas mohabbat ki ek nazar me hai
karam ke saath yaqeenan sitam bhi shamil hai

Na koi mauj, na toofaaN, na tou bhaNwar Zaara
JahaaN pe doobi hai kashti wahaaN to saahil hai

_Zaara

Ghafil = reckless/careless
Maayil =attracted
Lutf= enjoy
Bandegi =worship /devotion
Muqabil = opposing
Ada a khaas = unique style
Mauj= wave
BhaNwar =whirlpool




[Image: mcjXrNh.jpg]
~~~~~~~~~~~~~~~~~

Aap Ki Dost

Zaara


Smile


Reply
#2
Zaara saheba MashaAllah kya khoob ghazal hui hai ghazal ke tamaam ashaar daad ke mustahiq hain khaas kar ke ye sher jo ki behad pasand aaya
Ada e khaas mohabbat ki ek nazar me hai
karam ke saath yaqeenan sitam bhi shamil hai

Allah kare zor e qalam aur ziyadah bhut mubarak.


aslam
Zindagi ke haseen lamhe ka
Khoobsurat sa intekhaab ho tum
(aslam noor aslam)
Reply


Forum Jump:


Users browsing this thread: 1 Guest(s)